Emergency Alert: ઇમરજન્સી એલર્ટ: આજે સમગ્ર ગુજરાત રાજ્યમાં સેલ બ્રોડકાસ્ટ સિસ્ટમનું મોટા પાયે પરીક્ષણ કરવામાં આવ્યું હતું, અને લાખો લોકોને બપોરે 12 વાગ્યાની આસપાસ સેમ્પલ ટેસ્ટિંગ મેસેજ ‘ઇમરજન્સી એલર્ટ’ મેસેજ મળ્યો હતો.
લોકોના ફોન પર ઈમરજન્સી એલર્ટની ટ્રાયલ હાથ ધરી છે. આઈફોનથી લઈને એન્ડ્રોઈડ સુધીના તમામ ફોનમાં આ એલર્ટ આવી ગયું છે. આ ઈમરજન્સી એલર્ટથી ઘણા લોકો ડરી ગયા, જો કે તેની કોઈ જરૂર નથી. જો તમે પણ સરકાર તરફથી આવી રહેલા ઈમરજન્સી એલર્ટથી અજાણ હોવ તો આ રિપોર્ટ તમારા માટે ઉપયોગી છે. અને જો તમારા મોબાઇલમાં ઇમરજન્સી એલર્ટ સિસ્ટ્મ ચાલુ નથી તો મેસેજ નહિ આવે તો આજે આપને કટોકટી ચેટવણી કેવી રીતે ચાલુ કરવી તેની માહિતી મેળવીશું.
શું તમારા મોબાઈલમાં પણ આવ્યો ઇમરજન્સી એલર્ટનો મેસેજ?
એક પરીક્ષણ સંદેશ જનતાના મોબાઇલ ઉપકરણો પર પ્રસારિત કરવામાં આવ્યો હતો. જ્યારે સંદેશ ફોન સ્ક્રીન પર દેખાયો, ત્યારે પ્રાપ્તકર્તાનું ધ્યાન ખેંચવા માટે સાયરન જેવો અવાજ તેની સાથે આવતો હતો. સંદેશ અંગ્રેજી અને ગુજરાતી બંને ભાષાઓમાં પ્રાપ્ત થયો હતો અને સંદેશનો ટેક્સ્ટ નીચે મુજબ વાંચવામાં આવ્યો હતો
“This is a SAMPLE TESTING MESSAGE sent through Cell Broadcasting System by Department of Telecommunication, Government of India. Please ignore this message as no action is required from your end. This message has been sent to test Pan-India Emergency Alert System being implemented by National Disaster Management Authority. It aims to enhance public safety and provide timely alerts during emergencies.”
ચેતવણી સંદેશમાં શું છે?
સરકાર દ્વારા મોકલવામાં આવેલ આ ચેતવણી સંદેશમાં લખવામાં આવ્યું છે કે, “આ સેમ્પલ ટેસ્ટ મેસેજ છે જે ભારત સરકારના ટેલિકોમ્યુનિકેશન વિભાગ દ્વારા સેલ બ્રોડકાસ્ટિંગ સિસ્ટમ દ્વારા મોકલવામાં આવ્યો છે. કૃપા કરીને આ સંદેશને અવગણો કારણ કે તેને તમારા તરફથી કોઈ પગલાંની જરૂર નથી. આ સંદેશ નેશનલ ડિઝાસ્ટર મેનેજમેન્ટ ઓથોરિટી દ્વારા લાગુ કરવામાં આવી રહેલી ઓલ ઈન્ડિયા ઈમરજન્સી એલર્ટ સિસ્ટમની ચકાસણી કરવા માટે મોકલવામાં આવ્યો છે. આ સિસ્ટમનો હેતુ જાહેર સલામતી વધારવાનો અને કટોકટી દરમિયાન સમયસર ચેતવણી આપવાનો છે.
વાયરલેસ ઇમરજન્સી એલર્ટ શું છે?
વાસ્તવમાં, સરકાર ઈમરજન્સી એલર્ટ સિસ્ટમ પર કામ કરી રહી છે, જેથી પૂર, સુનામી, તોફાન કે અન્ય કોઈ કુદરતી આફત જેવી ઈમરજન્સીના કિસ્સામાં લોકોને તાત્કાલિક એલર્ટ કરી શકાય. એટલે કે, ઇમરજન્સી એલર્ટ એ ઇમરજન્સી નોટિફિકેશન સિસ્ટમનો એક ભાગ છે, જેનો ઉપયોગ સરકાર દ્વારા દૂરસંચાર વિભાગની મદદથી સ્માર્ટફોન વપરાશકર્તાઓને આવનારી કુદરતી આપત્તિ અથવા કટોકટીની માહિતી આપવા માટે કરી શકાય છે. કટોકટી ચેતવણીઓ આપત્તિ પહેલાં અથવા દરમિયાન લોકોને ચેતવણી આપીને જીવન બચાવવામાં મદદ કરશે. હાલમાં સરકાર આ સિસ્ટમનું પરીક્ષણ કરી રહી છે અને આવા એલર્ટ ઘણા લોકોના સ્માર્ટફોન પર મોકલવામાં આવી રહ્યા છે. વિભાગના જણાવ્યા અનુસાર, આ સંદેશ એક ઈમરજન્સી ટ્રાયલ છે જેથી કરીને આપત્તિ જેવી ઈમરજન્સીની સ્થિતિમાં લોકોને એલર્ટ કરી શકાય.
વાયરલેસ ઇમરજન્સી એલર્ટના ફાયદા
વાયરલેસ કટોકટી ચેતવણીઓ માત્ર કુદરતી આફતો જેવી પરિસ્થિતિઓમાં જ નહીં પરંતુ યુદ્ધ અથવા અન્ય પ્રકારની કટોકટીઓ દરમિયાન પણ ઉપયોગી સાબિત થઈ શકે છે અને સામાન્ય લોકોને ચેતવણી આપી શકે છે. વાયરલેસ ઈમરજન્સી એલર્ટનો સૌથી મોટો ફાયદો એ છે કે તેની મદદથી એલર્ટ સીધા સ્માર્ટફોન પર મોકલી શકાય છે. હકીકતમાં આજે ટીવી કે રેડિયો કરતાં સ્માર્ટફોનનો વધુ ઉપયોગ થાય છે. તમને જણાવી દઈએ કે સામાન્ય રીતે આ એલર્ટ બધા ફોનમાં ડિફોલ્ટ રૂપે ઓન હોય છે, પરંતુ જો આ સેટિંગ તમારા ફોનમાં ઓન નથી તો તમારે તેને મેન્યુઅલી ઓન કરવું પડી શકે છે.
તમારા ફોનમાં કટોકટી ચેતવણી (ઇમરજન્સી એલર્ટ) કેવી રીતે ચાલુ કરવી?
- જો તમારા ફોનમાં ઈમરજન્સી એલર્ટ સેટિંગ ચાલુ નથી, તો તમે તેને મેન્યુઅલી ચાલુ કરી શકો છો.
- જો તમે iPhone યૂઝર છો, તો તમારે ફોનના સેટિંગમાં જવું પડશે, નોટિફિકેશન પર ક્લિક કરવું પડશે અને સરકારી ચેતવણીઓ ચાલુ કરવી પડશે.
- આ સેટિંગ એન્ડ્રોઈડ ફોનમાં પણ ઓન કે ઓફ કરી શકાય છે. આ માટે તમારે ફોનના સેટિંગમાં જવું પડશે અને પછી સેફ્ટી એન્ડ ઇમરજન્સી પર ક્લિક કરવું પડશે. હવે અહીંથી ઇમરજન્સી SOS ચેતવણીઓ માટે ટૉગલ ચાલુ કરો.
મિત્રો હવે તમે કટોકટી ચેતવણી વિશે જાણકારી મેળી ગઈ હશે, જો તમને હજુ પણ કોઈપણ પ્રકારની મુઝવણ હો તો કોમેંટ કરી જણાવજો.
