IND vs ENG: ઈંગ્લેન્ડ સામે ભારતીય ટીમ તરફથી રમતી વખતે ભારતીય કેપ્ટન રોહિત શર્મા અને કેએલ રાહુલે પ્રથમ દાવમાં ચોથી વિકેટ માટે 91 રનની મહત્વપૂર્ણ ભાગીદારી કરી હતી. આ બંનેની આ ભાગીદારીએ ટીમ ઈન્ડિયાને સંભાળવાનું કામ કર્યું. આ મેચમાં ભારતીય ટીમે 50 ઓવરમાં 9 વિકેટે 229 રન બનાવ્યા હતા. આ મેચમાં રોહિત શર્માએ 87 રન બનાવ્યા હતા જ્યારે કેએલ રાહુલે 39 રનની ઇનિંગ રમી હતી. આ બંને બેટ્સમેનોએ તેમની 91 રનની ભાગીદારીના આધારે સૌરવ ગાંગુલી અને રાહુલ દ્રવિડનો રેકોર્ડ તોડ્યો હતો.
IND vs ENG: રોહિત અને રાહુલ હવે ગાંગુલી અને દ્રવિડ થી આગળ
IND vs ENG: ઈંગ્લેન્ડ સામે 91 રનની ઈનિંગના આધારે, રોહિત શર્મા અને કેએલ રાહુલ વર્લ્ડ કપમાં ભારત માટે ભાગીદારી કરતી વખતે સૌથી વધુ રન બનાવનાર ભારતીય જોડીની યાદીમાં બીજા સ્થાને આવી ગયા છે. રાહુલ અને રોહિતે વર્લ્ડ કપમાં ભાગીદારી કરતા અત્યાર સુધીમાં કુલ 729 રન બનાવ્યા છે અને બીજા સ્થાને આવી ગયા છે. આ પહેલા સૌરવ ગાંગુલી અને રાહુલ દ્રવિડ બીજા સ્થાને હતા, જેમણે વર્લ્ડ કપમાં ભારત માટે ભાગીદારી કરતી વખતે 705 રન બનાવ્યા હતા, પરંતુ હવે બંને ત્રીજા સ્થાને સરકી ગયા છે. આ યાદીમાં પ્રથમ સ્થાને સચિન તેંડુલકર અને વીરેન્દ્ર સેહવાગ છે, જેમણે વર્લ્ડ કપમાં ભાગીદારી કરતા ભારત માટે 971 રન બનાવ્યા હતા.
વર્લ્ડ કપમાં ભારત માટે સૌથી વધુ ભાગીદારી કરનાર જોડી
- 971 રન – સચિન/સેહવાગ
- 729 રન – રોહિત/રાહુલ
- 705 રન – ગાંગુલી/દ્રવિડ
- 635 રન – સચિન/ગાંગુલી
- 569 રન – રોહિત/ધવન
રોહિતે હેડન અને ફિન્ચને પાછળ છોડી દીધા
રોહિત શર્મા હવે ODI વર્લ્ડ કપની એક સિઝનમાં સૌથી વધુ સિક્સર મારનાર બેટ્સમેનોની યાદીમાં ચોથા સ્થાને આવી ગયો છે. તેણે હેડન અને ફિન્ચને પાછળ છોડી દીધા જેમાં વર્ષ 2007માં હેડને 18 સિક્સર ફટકારી હતી અને વર્ષ 2019માં ફિન્ચે પણ 18 સિક્સર ફટકારી હતી. રોહિતે 20 છગ્ગા ફટકારીને બંનેને પાંચમા સ્થાને ધકેલી દીધા હતા. આ ODI વર્લ્ડ કપમાં રોહિત શર્માએ અત્યાર સુધી 20 સિક્સર ફટકારી છે. એક જ વર્લ્ડ કપ સિઝનમાં સૌથી વધુ 45 સિક્સર મારનાર બેટ્સમેન ક્રિસ ગેલ હતો, જેણે વર્ષ 2015માં કુલ 26 સિક્સર ફટકારી હતી.
આ જુઓ:- Rohit Sharma: રોહિત શર્માએ 4 છગ્ગા ફટકારીને જે કર્યું તે અન્ય કોઈ ભારતીય ક્રિકેટર કરી શક્યું નથી.
વર્લ્ડ કપ ટુર્નામેન્ટમાં સૌથી વધુ સિક્સર મારનાર બેટ્સમેન
- 26 – ક્રિસ ગેલ (2015)
- 22 – ઇઓન મોર્ગન (2019)
- 21 – એબી ડી વિલિયર્સ (2015)
- 20 – રોહિત શર્મા (2023)
- 18 – મેથ્યુ હેડન (2007)
- 18 – એરોન ફિન્ચ (2019)
- 17 – બ્રેન્ડન મેક્કુલમ (2015)
આ પણ વાંચો:- પાકિસ્તાને ICCમાં ભારત વિરુદ્ધ ફરિયાદ નોંધાવી, અયોગ્ય વર્તનનો આરોપ લગાવ્યો
