IPL 2024: IPL ફ્રેન્ચાઇઝી મુંબઇ ઇન્ડિયન્સે આગામી સિઝન માટે હાર્દિક પંડ્યાને ટીમના કેપ્ટન તરીકે નિયુક્ત કર્યા છે. રોહિત શર્મા છેલ્લા 10 વર્ષથી ટીમની કમાન સંભાળી રહ્યો છે. પરંતુ આ વખતે, ફ્રેન્ચાઇઝીએ હાર્દિક પંડ્યાને ટીમમાં ફરીથી ઉમેરીને આગામી સિઝન પહેલા એક મોટો સોદો કર્યો છે અને શુક્રવારે (15 ડિસેમ્બર) IPL મીની હરાજી પહેલા તેની કેપ્ટન તરીકે નિમણૂકની જાહેરાત કરી છે. IPLની હરાજી 19 ડિસેમ્બરે થવાની છે.
શુક્રવારે એક અખબારી યાદીમાં, મુંબઈ ઈન્ડિયન્સના ગ્લોબલ હેડ ઑફ પર્ફોર્મન્સ માહેલા જયવર્દનેએ જણાવ્યું હતું કે, “મુંબઈ ઈન્ડિયન્સને હંમેશા અસાધારણ નેતૃત્વ મળ્યું છે, સચિનથી લઈને હરભજન સુધી અને રિકીથી લઈને રોહિત સુધી, જેમણે તેમની તાત્કાલિક સફળતામાં યોગદાન આપ્યું છે – સાથે સાથે. આ સાથે ભવિષ્ય માટે ટીમને મજબૂત કરવા પર પણ નજર રાખવામાં આવી છે. આ ફિલસૂફીને અનુરૂપ છે કે હાર્દિક પંડ્યા IPL 2024 સીઝન માટે મુંબઈ ઈન્ડિયન્સની કપ્તાની સંભાળશે.
મુંબઈ ઈન્ડિયન્સે આજે આગામી 2024 સીઝન માટે નેતૃત્વ જૂથમાં મોટો ફેરફાર કર્યો છે. સૌથી સફળ અને ફેવરિટ કેપ્ટનમાંથી એક રોહિત શર્માને કેપ્ટન પદેથી હટાવી દેવામાં આવ્યો છે. હાર્દિક પંડ્યા તેનું સ્થાન લેશે. મુંબઈ ઈન્ડિયન્સે IPL 2024ની હરાજી પહેલા હાર્દિક પંડ્યાનો ગુજરાત ટાઇટન્સ પાસેથી 15 કરોડ રૂપિયામાં સંપૂર્ણ રોકડ વેપાર કર્યો છે. જેના કારણે અટકળોએ જોર પકડ્યું હતું કે કદાચ આગામી સિઝન માટે હાર્દિક પંડ્યાને ટીમનો કેપ્ટન બનાવવામાં આવે અને આજે ફ્રેન્ચાઇઝીએ હાર્દિકને કેપ્ટન બનાવીને તે સાચું સાબિત કર્યું છે.
હાર્દિક પંડ્યાએ ગુજરાતને વિજેતા બનાવ્યું હતું
હાર્દિક પંડ્યાના નેતૃત્વમાં ગુજરાત ટાઇટન્સે શાનદાર પ્રદર્શન કર્યું હતું અને બંને વખત ફાઇનલમાં જગ્યા બનાવી હતી. IPL 2022માં હાર્દિક પંડ્યાના નેતૃત્વમાં ગુજરાત ટાઇટન્સ પણ ચેમ્પિયન બની હતી. ઉલ્લેખનીય છે કે હાર્દિક પંડ્યાએ 2015માં IPLમાં ડેબ્યૂ કર્યું હતું અને 2021 સુધી તે મુંબઈ ઈન્ડિયન્સ સાથે જોડાયેલો રહ્યો હતો.
ત્રણ વર્ષથી ટ્રોફીની રાહ જોઈ રહી છે
મુંબઈ ઈન્ડિયન્સ ત્રણ વર્ષથી આઈપીએલ ટ્રોફીની રાહ જોઈ રહી છે. 2021માં ટીમ પ્લેઓફમાં પણ પહોંચી શકી નથી. 2022માં 10 ટીમોની લીગમાં રોહિત શર્માની ટીમ સૌથી છેલ્લે રહી હતી. 2023માં ટીમ પ્લેઓફમાં પહોંચી હતી. પરંતુ ક્વોલિફાયર-2માં મુંબઈ ગુજરાત સામે હારી ગયું હતું. હવે ટીમને ટાઈટલ સુધી પહોંચાડવાની જવાબદારી હાર્દિક પંડ્યા પર રહેશે.
રોહિતની કપ્તાનીમાં પાંચ વખત ચેમ્પિયન બન્યો હતો
રોહિત શર્મા 2013માં મુંબઈનો કેપ્ટન બન્યો હતો. તેની કેપ્ટનશીપ હેઠળ જ મુંબઈએ તેના તમામ પાંચ ખિતાબ જીત્યા હતા. મુંબઈ સિવાય ચેન્નાઈનો કેપ્ટન એમએસ ધોની પાંચ વખત ટાઈટલ જીતવામાં સફળ રહ્યો છે રોહિતે 2013, 2015, 2017, 2019 અને 2020માં ટીમને ચેમ્પિયન બનાવી હતી. ગત સિઝનમાં મુંબઈની ટીમ પ્લેઓફમાં પહોંચી હતી, પરંતુ ટાઈટલ મેચ સુધી પહોંચી શકી નહોતી.
