ICC ODI Rankings Batsman: એશિયા કપમાં શાનદાર પ્રદર્શન કરનાર ભારતીય ખેલાડીઓએ પણ ICC રેન્કિંગમાં મોટો ફાયદો કર્યો છે. બેટ્સમેનોની રેન્કિંગમાં શુભમન ગિલ બીજા સ્થાને આવી ગયો છે. રોહિત અને કોહલી પણ ટોપ 10 ખેલાડીઓમાં સામેલ છે.
ભારતીય ખેલાડીઓએ તાજેતરની ICC રેન્કિંગમાં મોટો ફાયદો કર્યો છે. એશિયા કપ 2023માં ટીમ ઈન્ડિયાએ શાનદાર પ્રદર્શન કર્યું છે અને આ દરમિયાન સારૂ પ્રદર્શન કરનાર ખેલાડીઓએ આઈસીસી રેન્કિંગમાં મોટી છલાંગ લગાવી છે. એશિયા કપમાં બે અડધી સદી સાથે 154 રન બનાવનાર શુભમન ગિલ તેની કારકિર્દીની સર્વશ્રેષ્ઠ બીજા રેન્કિંગ પર પહોંચી ગયો છે. તે આવનારા સમયમાં ODIમાં બેટ્સમેનોની રેન્કિંગમાં ટોચ પર આવી શકે છે.
ICC ODI Rankings Batsman
| Player Name | Country |
| Babar Azam | Pakistan |
| Shubman Gill | India |
| Rassie van der Dussen | South Africa |
| David Warner | Australia |
| Imam-ul-Haq | Pakistan |
| Harry Tector | Ireland |
| Quinton de Kock | South Africa |
| Virat Kohli | India |
| Rohit Sharma | India |
| Fakhar Zaman | Pakistan |
ટોપ પર રહેલા બાબર આઝમના 863 પોઈન્ટ છે જ્યારે ગિલ 759 રેટિંગ પોઈન્ટ સાથે 103 પોઈન્ટ પાછળ છે. ગિલ ઉપરાંત, વિરાટ કોહલી અને રોહિત શર્માને પણ બે-બે સ્થાનનો ફાયદો થયો છે અને બંને દિગ્ગજ ટોચના 10 બેટ્સમેનોમાં સામેલ થઈ ગયા છે. કોહલી આઠમા અને રોહિત નવમા સ્થાને છે. સાડા ચાર વર્ષમાં પ્રથમ વખત ત્રણ ભારતીય બેટ્સમેન ICC રેન્કિંગમાં ટોપ 10માં સ્થાન મેળવવામાં સફળ રહ્યા છે. અગાઉ જાન્યુઆરી 2019માં ભારતના શિખર ધવન, રોહિત શર્મા અને વિરાટ કોહલી ટોપ 10માં હતા. હાલમાં, ટોચના 10 બેટ્સમેનોમાં પાકિસ્તાનના પણ ત્રણ ખેલાડી છે, ઇમામ-ઉલ-હક એક સ્થાન નીચે પાંચમા સ્થાને અને ફખર ઝમાન ત્રણ સ્થાન નીચે 10મા સ્થાને આવી ગયો છે.
ભારતના અનુભવી સ્પિનર કુલદીપ યાદવને પણ ODI રેન્કિંગમાં ફાયદો થયો છે. એશિયા કપમાં તેણે નવ વિકેટ લીધી છે અને પાંચ સ્થાનના ફાયદા સાથે સાતમા સ્થાને પહોંચી ગયો છે. હાર્દિક પંડ્યા ઓલરાઉન્ડર રેન્કિંગમાં ચાર સ્થાન સુધરીને છઠ્ઠા સ્થાને પહોંચી ગયો છે. પાકિસ્તાનનો ઝડપી બોલર હરિસ રૌફ આઠ સ્થાન આગળ વધીને 21મા સ્થાને અને નસીમ શાહ 11 સ્થાન આગળ વધીને 51મા સ્થાને પહોંચી ગયો છે.
ઓસ્ટ્રેલિયન ફાસ્ટ બોલર જોશ હેઝલવુડે દક્ષિણ આફ્રિકા સામેની શ્રેણીની પ્રથમ મેચમાં ત્રણ વિકેટ ઝડપીને ODI બોલર રેન્કિંગમાં ટોચ પર પહોંચી ગયો છે.
દક્ષિણ આફ્રિકાના કેશવ મહારાજ 10 સ્થાન આગળ વધીને 25માં અને તબરેઝ શમ્સી 15 સ્થાન આગળ વધીને 29માં સ્થાને પહોંચી ગયા છે. બેટ્સમેનોમાં ટેમ્બા બાવુમા 21 સ્થાન આગળ વધીને 11મા સ્થાને પહોંચી ગયો છે. ઓસ્ટ્રેલિયાનો અનુભવી ડેવિડ વોર્નર એક સ્થાન આગળ વધીને ચોથા ક્રમે જ્યારે ટ્રેવિસ હેડ છ સ્થાન આગળ વધીને 20મા ક્રમે છે.
ન્યૂઝીલેન્ડના ગ્લેન ફિલિપ્સ T20 બેટ્સમેનની રેન્કિંગમાં ત્રણ સ્થાન આગળ વધીને 11મા સ્થાને પહોંચી ગયા છે, જ્યારે ટિમ સેફર્ટ 32 સ્થાન આગળ વધીને 21મા અને માર્ક ચેપમેન છ સ્થાન આગળ વધીને 23મા સ્થાને પહોંચી ગયા છે. બોલરોમાં મિશેલ સેન્ટનર ચાર સ્થાન આગળ વધીને 15માં અને ઈશ સોઢી ચાર સ્થાન આગળ વધીને 16માં સ્થાને પહોંચી ગયા છે. ઈંગ્લેન્ડનો અનુભવી જોની બેરસ્ટો 31 સ્થાનના સુધારા સાથે બેટ્સમેનોની યાદીમાં 30મા સ્થાને છે.
આ જુઓ:- વર્લ્ડ કપ માટે ભારતીય ટીમની જાહેરાત, જુઓ સંપૂર્ણ યાદી
મિત્રો, તમે જો ICC ODI Rankings Batsman સાથે સાથે બોલર અને ઓલરાઉન્ડર નું લિસ્ટ પણ મેળવવા માગતા હોવ તો કોમેન્ટ કરી જણાવી શકો છો. આભાર..
